Ky dokument paraqet përmbushjen e hapit të Agjendës së Reformave për implementimin e verifikimit elektronik të identitetit përmes teknologjisë Near Field Communication (NFC) si pjesë e Portofolit Digjital të Identitetit. Zgjidhja mundëson verifikimin e identitetit duke lexuar dhe autentikuar të dhënat e kartave biometrike të identitetit dhe pasaportave elektronike, nëpërmjet integrimit me portalin e-Albania dhe përdorimit të mekanizmave të avancuar të sigurisë për validimin e dokumenteve dhe identitetit të përdoruesit.
Zbatimi përfshin verifikimin kriptografik të dokumenteve biometrike, krahasimin e të dhënave të identitetit me regjistrat zyrtarë, ruajtjen lokale dhe të enkriptuar të identitetit digjital në pajisjen e përdoruesit, si dhe mbrojtjen përmes PIN-it dhe autentifikimit biometrik. Funksionaliteti është testuar në mënyrë të plotë dhe përbën bazën teknike për zhvillimin e mëtejshëm të Portofolit Digjital të Identitetit dhe integrimin e tij me shërbimet publike elektronike, në përputhje me kërkesat e Bashkimit Evropian për identitetin digjital.