Ky dokument paraqet përmbushjen e hapit të Agjendës së Reformave për vazhdimin e zbatimit të Paketës së Integrimit të Tregut të Energjisë Elektrike, me synim bashkimin e tregut shqiptar të energjisë me tregun e përbashkët evropian të energjisë elektrike. Reforma u përmbush përmes miratimit të Ligjit Nr. 59/2026 “Për Sektorin e Energjisë Elektrike”, i cili harmonizon legjislacionin kombëtar me acquis të Komunitetit të Energjisë dhe krijon bazën ligjore për integrimin e Shqipërisë në mekanizmat evropianë të tregut të energjisë.
Paralelisht, Ministria e Infrastrukturës dhe Energjisë, Enti Rregullator i Energjisë (ERE), Operatori i Sistemit të Transmetimit (OST) dhe Bursa Shqiptare e Energjisë Elektrike (ALPEX) vijuan zbatimin e masave rregullatore dhe teknike për përgatitjen e bashkimit me tregun evropian, përfshirë zhvillimin e produkteve 15-minutëshe të tregut, përgatitjen e metodologjive të nevojshme për Single Day-Ahead Coupling (SDAC), pjesëmarrjen në platformat evropiane të balancimit dhe forcimin e koordinimit rajonal. Reforma rrit sigurinë energjetike, konkurrencën në treg dhe integrimin e Shqipërisë në tregun evropian të energjisë elektrike.