Mekanizmi ka si objektiv kryesor të forcojë bashkëpunimin ndërmjet shteteve anëtare të BE-së dhe 6 shteteve pjesëmarrëse në fushën e mbrojtjes civile, me qëllim përmirësimin e parandalimit, gatishmërisë dhe reagimit ndaj katastrofave.
Fushat e veprimtarisë së programit:
• Parandalimi: Përqendrohet në vlerësimin e rrezikut, gatishmërinë dhe masat për parandalimin e katastrofave. Kjo përfshin mbështetje për sistemet e paralajmërimit të hershëm, hartimin e hartave të rrezikut dhe ndarjen e praktikave më të mira ndërmjet shteteve.
• Gatishmëria: Përmirëson gatishmërinë për emergjencat duke ofruar trajnime, ushtrime dhe aktivitete për ndarjen e njohurive ndërmjet autoriteteve të mbrojtjes civile në të gjithë BE-në. Kjo përfshin nisma si Rezerva e Mbrojtjes Civile Evropiane për mobilizimin e shpejtë të burimeve.
• Reagimi: Mbështet përgjigjet e koordinuara në mbarë Evropën ndaj katastrofave, duke mobilizuar burime dhe ekspertizë nga shtetet anëtare, përfshirë rezervën rescEU, e cila ofron asete emergjente të rëndësishme si pajisje mjekësore, avionë për shuarjen e zjarrit dhe spitale fushore.
Agjencia Kombëtare e Mbrojtjes Civile pranë Ministrisë së Mbrojtjes është përgjegjëse për menaxhimin e Programit në Shqipëri.
Për një informacion më të detajuar, lutemi t’i referoheni faqes së programit sipas linkut:
Marrëveshja për pjesëmarrjen në programin UCPM
Pika Kombëtare e Kontaktit: z. Klajdi Nikolla (klajdi.nikolla@akmc.gov.al)