Ky dokument paraqet përmbushjen e hapit të Agjendës së Reformave për sigurimin e një zgjidhjeje të qëndrueshme infrastrukturore për Gjykatën e Apelit të Juridiksionit të Përgjithshëm, në përputhje me Hartën e Re Gjyqësore 2022. Për këtë qëllim, godina e ish-Drejtorisë së Tatimpaguesve të Mëdhenj iu transferua në administrim Këshillit të Lartë Gjyqësor, u hartua projekti i plotë i rikonstruksionit dhe përforcimit strukturor, u siguruan lejet përkatëse të ndërtimit dhe u planifikuan fondet e nevojshme në Programin Buxhetor Afatmesëm 2026–2028.
Zgjidhja e re parashikon ambiente moderne dhe funksionale për zhvillimin e veprimtarisë gjyqësore, me salla gjyqi, zyra për gjyqtarët dhe stafin mbështetës, arkiva, infrastrukturë të avancuar teknologjike dhe standarde të larta sigurie. Paralelisht, janë marrë masa të përkohshme për garantimin e vijimësisë së punës së gjykatës gjatë periudhës së rikonstruksionit. Kjo reformë krijon kushtet për një sistem apelimi më efikas, përmirëson aksesin në drejtësi dhe mbështet zbatimin e plotë të Hartës së Re Gjyqësore.