Ky dokument paraqet përmbushjen e hapit të Agjendës së Reformave për rritjen e regjistrimit të punëkërkuesve të papunë pranë zyrave të punësimit. Në tremujorin e parë të vitit 2026, 67,646 punëkërkues të papunë ishin të regjistruar në Agjencinë Kombëtare të Punësimit dhe Aftësive (AKPA), duke përfaqësuar 64.3% të popullsisë së përgjithshme të papunë sipas Anketës së Forcave të Punës të INSTAT-it dhe duke tejkaluar objektivin prej 60% të përcaktuar në Agjendën e Reformave. Të dhënat tregojnë se ky nivel regjistrimi është ruajtur në mënyrë të qëndrueshme gjatë periudhës së raportimit.
Rritja e regjistrimit u mbështet nga digjitalizimi i shërbimeve publike të punësimit, mundësia e aplikimit online përmes portalit e-Albania, përmirësimi i mekanizmave të referimit ndërinstitucional dhe zhvillimi i Portalit Kombëtar të Punësimit. Zbatimi i Garancisë për të Rinjtë kontribuoi gjithashtu në rritjen e regjistrimit, veçanërisht për të rinjtë që nuk janë në punësim, arsim apo trajnim (NEET), duke përmirësuar aksesin në shërbimet e punësimit dhe duke rritur efektivitetin e politikave aktive të tregut të punës.