Ky dokument paraqet përmbushjen e hapit të Agjendës së Reformave për rishikimin dhe miratimin e kurrikulave të Arsimit dhe Formimit Profesional (AFP) në fusha prioritare të përcaktuara nga Strategjia e Specializimit Inteligjent (S3) 2024–2030. Me Urdhrin e Ministrit Nr. 283, datë 29.06.2026, u miratua paketa e kurrikulave për vitin shkollor 2026–2027, e cila tejkalon kërkesën minimale prej pesë kurrikulash dhe përfshin programe të reja dhe të përditësuara në fusha me rëndësi strategjike për zhvillimin ekonomik të vendit.
Kurrikulat e miratuara mbulojnë fusha si programimi i softuerëve, zhvillimi i faqeve të internetit, multimedia, mekatronika, shërbimet e punësimit, tregtia elektronike, ndërtimi, veterinaria dhe shërbimet sociale, duke forcuar aftësitë digjitale, teknike dhe profesionale në përputhje me kërkesat e tregut të punës. Reforma kontribuon në modernizimin e sistemit të AFP-së, rritjen e cilësisë së kualifikimeve profesionale dhe përafrimin e tyre me Kornizën Evropiane të Kualifikimeve (EQF).