Agjencia Shtetërore e Programimit Strategjik dhe Koordinimit të Ndihmës

Programi i Transparencës i rishikuar, bazuar në urdhrin nr.187, datë 18.12.2020 “Për miratimin e Programit të Transparencës të rishikuar”

Programi i Transparencës

Hyrje

Ky program transparence është për Agjencinë Shtetërore të Programimit Strategjik dhe Koordinimit të Ndihmës (SASPAC) në përputhje me nenin 7 të ligjit nr. 119/2014 “Për të Drejtën e Informimit”, i ndryshuar. Programi përcakton kuadrin ligjor të veprimtarisë së institucionit bazuar në ligjin nr. 119/2014 “Për të Drejtën e Informimit”, i ndryshuar dhe mënyrën përmes së cilës Agjencia Shtetërore e Programimit Strategjik dhe Koordinimit të Ndihmës (SASPAC) siguron transparencë lidhur me veprimtarinë e saj. Agjencia do të përditësojë herë pas here Programin e Transparencës, në përputhje me pikën 2 të nenit 5 të ligjit nr. 119/2014 “Për të Drejtën e Informimit”, e ndryshuar. Agjencia Shtetërore e Programimit Strategjik dhe Koordinimit të Ndihmës (SASPAC) është krijuar me Vendimin nr. 642 datë 29.10.2021 “Për krijimin, organizimin dhe funksionimin e Agjencisë Shtetërore të Programimit Strategjik dhe Koordinimit të Ndihmës”, e ndryshuar. Misioni i Agjencisë është koordinimi i ndihmës së huaj për programet dhe projektet zhvillimore, asistimin e strukturave vendimmarrëse për hartimin e Strategjisë Kombëtare për Zhvillim dhe Integrim (SKZHI) dhe monitorimin e zbatimin e saj, ofrimin e mbështetjes metodologjike në hartimin e strategjive ndërsektoriale dhe sektoriale, me qëllim harmonizimin e tyre me SKZHI-në, si dhe monitorimin e zbatimit të tyre, koordinimin e procesit të administrimit të projekteve me interes kombëtar, ofrimin e mbështetjes për institucionet e administratës shtetërore për rritjen e kapaciteteve në fushën programeve dhe projekteve zhvillimore. Agjencia bashkërendon punën për funksionimin e grupeve të menaxhimit të integruar të politikave (GMIP), në përputhje me përcaktimet e urdhrit të Kryeministrit që përcakton masat për zbatimin e qasjes së gjerë sektoriale/ndërsektoriale, si dhe ngritjen dhe funksionimin e mekanizmit sektorial dhe ndërsektorial të integruar, me qëllim përmirësimin e dialogut mbi politikat në të gjithë sektorët e GMIP-ve dhe rritjen e efektivitetit dhe qëndrueshmërisë së këtij mekanizmi koordinues. Agjencia ndihmon strukturat vendimmarrëse në procesin e hartimit të SKZHI-së dhe ofron mbështetje metodologjike në procesin e hartimit nga ana e institucioneve përgjegjëse të strategjive të ndryshme sektoriale e ndërsektoriale, në përputhje me SKZHI-në, si dhe monitoron zbatimin e tyre; Agjencia kryen detyrën e Sekretariatit Teknik për Komitetin e Planifikimit Strategjik.

Rreth autoritetit

Kuadri ligjor rregullator dhe integrimi evropian

Tekstet e plota

E drejta për t'u informuar dhe për t'u ankuar

Mekanizmat kontrollues dhe monitorues që veprojnë mbi SASPAC

Informacion mbi buxhetin dhe të dhënat financiare të SASPAC

Informacion për procedurat e prokurimit, procedurat konkurruese të koncesionit, partneritetit publik privat

Shërbimet që ofrohen nga SASPAC

Procedurat/mekanizmat për të dhënë mendime lidhur me procesin e hartimit të akteve ligjore/nënligjore, politikave publike apo në lidhje me ushtrimin e funksioneve

Sistemi i mbajtjes së dokumentacionit, llojet dhe format e dokumentave

Regjistri i kërkesave dhe përgjigjeve

Ndihma shoqërore, subvencione të dhëna nga SASPAC

Informacione, dokumenta që kërkohen më shpesh dhe ato që gjykohen të dobishme për publikim nga SASPAC

Përditësuar në : 18/05/2026