PROGRAMET E UNIONIT

✦
INTEGRIMI EVROPIAN
Programet e Unionit
Union Programmes · 2021 – 2027
Masa të integruara të promovuara nga BE për forcimin e bashkëpunimit ndërmjet vendeve anëtare dhe partnere — instrumente kyçe për përgatitjen e Shqipërisë drejt anëtarësimit të plotë.

13
Programe të Unionit
2021–27
Cikli aktual
2004
Marrëveshja Kuadër
7
Vite cikli

Koncepti

Çfarë janë Programet e Unionit

Programet e Unionit (Union Programmes) konsiderohen si një seri masash të integruara, të promovuara nga BE, të cilat kanë për qëllim forcimin e bashkëpunimit ndërmjet vendeve anëtare dhe partnere lidhur me politikat e BE-së për një periudhë të caktuar kohore.

Programet e Unionit financohen nga buxheti i përgjithshëm i BE-së, duke mbuluar fusha të ndryshme: nga mbrojtja e mjedisit, kërkimi dhe inovacioni, energjia dhe transporti, deri te zhvillimi i sipërmarrjes dhe konkurrueshmëria.

Ato përfaqësojnë instrumente të rëndësishme për përcaktimin dhe zbatimin e politikave të brendshme të BE-së.

Konteksti

Pjesëmarrja e Shqipërisë

Pjesëmarrja e përfituesve të IPA-s në Programet e Unionit ka për qëllim t’i përgatisë ata për anëtarësim të plotë, duke siguruar një integrim më të afërt me BE-në. Kjo u mundëson qytetarëve, institucioneve, shoqërisë civile dhe sektorit privat të njihen dhe të përfitojnë nga politika të ndryshme të BE-së.

Fushat kryesore përfshijnë: kërkimin, konkurrueshmërinë dhe inovacionin, median, arsimin, shëndetësinë, rininë, kulturën, mjedisin, politikën doganore, luftën kundër varfërisë dhe luftën kundër papunësisë së të rinjve.

Baza ligjore e pjesëmarrjes

Vendi merr pjesë në Programet e Unionit bazuar në parashikimet e Marrëveshjes Kuadër të nënshkruar më 22 nëntor 2004 ndërmjet Republikës së Shqipërisë dhe Komunitetit Evropian.

Marrëveshja është ratifikuar me Ligjin nr. 9404, datë 19.5.2005, “Për ratifikimin e Marrëveshjes Kuadër ndërmjet Republikës së Shqipërisë dhe Komunitetit Evropian, për parimet e përgjithshme për pjesëmarrjen e Shqipërisë në Programet e Unionit”. Për pjesëmarrjen në një program të caktuar nënshkruhet edhe një marrëveshje e dedikuar.

Kush mund të përfitojë

Qytetarët, institucionet publike qendrore dhe vendore, shoqëria civile, universitetet, qendrat kërkimore dhe sektori privat — të gjithë mund të përfitojnë nga politikat e BE-së sipas kushteve specifike të secilit program.

Menaxhimi

Kuadri institucional

Për menaxhimin dhe koordinimin e Programeve të Unionit, kuadri institucional shqiptar mbështetet në një strukturë të qartë me përgjegjësi të ndara mes Koordinatorit Kombëtar IPA dhe Pikave Kombëtare të Kontaktit.

NIPAC
Koordinatori Kombëtar IPA

Koordinatori Kombëtar IPA është përgjegjës për koordinimin e përgjithshëm, monitorimin dhe raportimin mbi pjesëmarrjen në Programet e Unionit.

PKK
Pikat Kombëtare të Kontaktit (NCP)

Pikat Kombëtare të Kontaktit dhe njësitë e ngritura në ministritë përkatëse për të koordinuar pjesëmarrjen e përfituesit të IPA-s në programet specifike të BE-së janë strukturat kyçe përgjegjëse për informimin e shoqërisë në përgjithësi dhe aktorëve përkatës mbi mundësitë e ofruara nga Programet e Unionit.

Pikat e kontaktit dhe njësitë mbështesin aplikantët dhe pjesëmarrësit e mundshëm në përgatitjen, zbatimin dhe raportimin e projekteve, monitorojnë dhe raportojnë mbi aktivitetet e mbështetura, dhe analizojnë pjesëmarrjen në Programet e Unionit duke dhënë rekomandime për NIPAC-un.

Kuadri ligjor

Dokumentet e Referencës

Baza ligjore që rregullon pjesëmarrjen e Shqipërisë në Programet e Unionit.

Marrëveshja Kuadër

• Marrëveshja Kuadër (22 nëntor 2004) — Ndërmjet Republikës së Shqipërisë dhe Komunitetit Evropian, për parimet e përgjithshme për pjesëmarrjen e Shqipërisë në Programet e Unionit.

• Ligji Nr. 9404, datë 19.5.2005 — Për ratifikimin e Marrëveshjes Kuadër.

Artikuj të ngjashëm
IPA Shumëvendëshe (rajonale)
Më Shumë
IPA I
Më Shumë
IPA III
Më Shumë
IPA II
Më Shumë