Ky dokument paraqet zbatimin e hapit të Agjendës së Reformave për krijimin dhe plotësimin e Regjistrit të Aseteve të Tatimpaguesve, në kuadër të Strategjisë Afatmesme të të Ardhurave (Medium-Term Revenue Strategy – MTRS). Regjistri është integruar si modul elektronik në sistemin e administratës tatimore C@TS dhe mundëson administrimin e informacionit mbi asetet e përdorura nga bizneset për ushtrimin e aktivitetit të tyre ekonomik.
Deri në datën e raportimit, regjistri përfshinte 15,994 tatimpagues aktivë, ose rreth 11% të të gjithë tatimpaguesve aktivë, duke tejkaluar objektivin prej 10% të përcaktuar në Agjendën e Reformave. Regjistri përmban informacion mbi pronësinë ose përdorimin e objekteve, tokës dhe makinerive, si dhe të dhëna mbështetëse që përdoren për analizën e riskut, kontrollet tatimore, rikuperimin e detyrimeve dhe përmirësimin e administrimit fiskal.