Ky dokument paraqet përmbushjen e hapit të Agjendës së Reformave për modernizimin e statistikave kombëtare të sistemit të drejtësisë përmes miratimit dhe zbatimit të Udhëzimit Nr. 2 të Ministrit të Drejtësisë mbi metodologjinë për mbledhjen e të dhënave statistikore. Metodologjia e re, e harmonizuar me standardet e CEPEJ, vendos një sistem të unifikuar për mbledhjen, përpunimin, raportimin dhe publikimin e statistikave nga institucionet e drejtësisë, duke garantuar tregues të krahasueshëm dhe të besueshëm për monitorimin e performancës së sektorit.
Zbatimi i metodologjisë mbështetet nga marrëveshje bashkëpunimi ndërmjet Ministrisë së Drejtësisë dhe institucioneve të pavarura të sistemit të drejtësisë, si dhe nga publikimi i Vjetarit Statistikor 2025, i cili për herë të parë pasqyron të dhëna të harmonizuara sipas metodologjisë së re. Reforma forcon koordinimin institucional, transparencën, planifikimin e politikave të bazuara në evidencë dhe monitorimin e progresit të sistemit të drejtësisë në përputhje me standardet e Bashkimit Evropian.