Miratimi i Programit Kombëtar për Promovimin dhe Lehtësimin e Eksporteve 2026–2030 – Masa 1.1.6, Hapi 1

Ky dokument paraqet miratimin e Programit Kombëtar për Promovimin dhe Lehtësimin e Eksporteve 2026–2030, një kuadër strategjik dhe operacional që synon rritjen e vlerës, diversifikimit dhe konkurrueshmërisë së eksporteve shqiptare. Programi mbështetet në analizën e trendeve globale të tregtisë, potencialit eksportues të vendit dhe prioriteteve të integrimit evropian, duke identifikuar sektorët me potencial të lartë zhvillimi, përfshirë agro-industrinë, materialet e ndërtimit, tekstilet dhe lëkurën, metalurgjinë, turizmin, teknologjinë e informacionit dhe shërbimet e biznesit.

Programi strukturohet rreth katër shtyllave kryesore: promovimit të eksporteve dhe aksesit në tregje të reja, lehtësimit të procedurave tregtare dhe reduktimit të barrierave administrative, zgjerimit të mbështetjes financiare dhe teknike për eksportuesit, si dhe forcimit të koordinimit institucional dhe kapaciteteve të institucioneve përgjegjëse. I shoqëruar me një plan veprimi të detajuar për periudhën 2026–2030, dokumenti synon të mbështesë ndërmarrjet shqiptare në procesin e ndërkombëtarizimit, të rrisë praninë e produkteve dhe shërbimeve shqiptare në tregjet ndërkombëtare dhe të kontribuojë në zhvillimin ekonomik të qëndrueshëm të vendit.