Ky dokument paraqet përmbushjen e hapit të Agjendës së Reformave për miratimin e Planit të Veprimit që synon përmirësimin e performancës së Shqipërisë në European Innovation Scoreboard (EIS) dhe avancimin drejt kategorisë “Moderate Innovator”. Plani i rishikuar bazohet në një analizë të rezultateve të EIS 2025 dhe identifikon mangësitë në raportimin e indikatorëve, koordinimin institucional dhe mbledhjen e të dhënave, duke përcaktuar masa konkrete për adresimin e tyre.
Plani i Veprimit vendos objektiva të matshëm, afate zbatimi, institucione përgjegjëse, buxhete orientuese dhe mekanizma monitorimi për secilin indikator të EIS. Ai forcon koordinimin ndërinstitucional, përmirëson raportimin statistikor dhe administrativ në bashkëpunim me INSTAT dhe institucionet përgjegjëse, duke krijuar një kuadër të qëndrueshëm për zhvillimin e ekosistemit kombëtar të kërkimit dhe inovacionit dhe për përafrimin e Shqipërisë me standardet evropiane të inovacionit.