Ky dokument paraqet përmbushjen e hapit të Agjendës së Reformave për krijimin dhe funksionalizimin e dy Komiteteve të reja Sektoriale të Aftësive në fushat e Bujqësisë dhe Energjisë/Aftësive të Gjelbra, me qëllim përshtatjen e arsimit dhe formimit profesional (AFP) me nevojat e tregut të punës. Komitetet u krijuan me urdhra të përbashkët ministrorë dhe nisën veprimtarinë e tyre përmes mbledhjeve ku u analizuan nevojat sektoriale për aftësi, standardet profesionale dhe përditësimi i kurrikulave të AFP-së.
Funksionalizimi i këtyre komiteteve forcon bashkëpunimin ndërmjet institucioneve publike, punëdhënësve dhe përfaqësuesve të sektorëve prioritarë, duke krijuar një mekanizëm të qëndrueshëm për integrimin e nevojave të tregut të punës në zhvillimin e kualifikimeve profesionale dhe programeve të trajnimit. Reforma kontribuon në modernizimin e sistemit të AFP-së dhe në zhvillimin e aftësive që mbështesin tranzicionin e gjelbër dhe transformimin ekonomik të vendit.