Ky dokument paraqet përmbledhjen kombëtare të auditimeve të brendshme të kryera gjatë periudhës janar–qershor 2026 për zbatimin e Instrumentit të Reformës dhe Rritjes (RGF). Raporti konsolidon rezultatet e 14 angazhimeve të auditimit të zhvilluara në 12 institucione publike dhe vlerëson efektivitetin e sistemeve të menaxhimit dhe kontrollit të ngritura për zbatimin e masave të Agjendës së Reformave.
Auditimet evidentojnë se kuadri institucional dhe mekanizmat bazë të kontrollit janë krijuar dhe funksionojnë, por kërkojnë forcim të mëtejshëm në fusha si menaxhimi i riskut, standardizimi i procedurave, dokumentimi i proceseve, koordinimi ndërinstitucional dhe monitorimi i rekomandimeve. Raporti përfshin 78 rekomandime për përmirësimin e sistemeve të kontrollit të brendshëm dhe konfirmon se, megjithëse nuk janë identifikuar raste të parregullsive financiare apo financimit të dyfishtë, niveli i përgjithshëm i sigurisë vlerësohet mesatar, duke mbështetur përgatitjen e Deklaratës së Sigurisë (Declaration of Assurance) dhe forcimin e qeverisjes së instrumentit RGF.