Ky dokument paraqet përmbushjen e hapit të Agjendës së Reformave për forcimin e mbrojtjes së gazetarëve dhe garantimin e respektimit të lirisë së shprehjes në përputhje me standardet evropiane. Për këtë qëllim janë miratuar udhëzime detyruese nga Policia e Shtetit, janë caktuar pika kontakti në polici, prokurori dhe sistemin gjyqësor, si dhe janë vendosur mekanizma të strukturuar për mbledhjen dhe monitorimin e të dhënave mbi rastet e dhunës dhe veprat penale që përfshijnë gazetarët.
Reforma është mbështetur gjithashtu me programe të specializuara trajnimi për magjistratët dhe punonjësit e Policisë së Shtetit mbi lirinë e shprehjes, sigurinë e gazetarëve dhe trajtimin e incidenteve gjatë protestave dhe tubimeve publike. Këto masa forcojnë kapacitetet institucionale për hetimin dhe ndjekjen efektive të rasteve që prekin gazetarët, rrisin mbrojtjen e të drejtave të tyre dhe kontribuojnë në garantimin e një mjedisi më të sigurt për ushtrimin e profesionit dhe lirinë e medias.