Ky dokument paraqet përmbushjen e hapit të Agjendës së Reformave për forcimin e luftës kundër korrupsionit dhe krimit të organizuar, duke përmirësuar cilësinë e hetimeve, ndjekjes penale, vendimeve përfundimtare gjyqësore, sekuestrimit dhe konfiskimit të pasurive, në përputhje me standardet e Bashkimit Evropian. Të dhënat e Platformës së BE-së për Evidencën e Korrupsionit dhe Krimit të Organizuar (OCCTR) tregojnë përmirësim të vazhdueshëm të rezultateve në hetimin dhe ndëshkimin e rasteve të korrupsionit, përfshirë korrupsionin në nivele të larta, pastrimin e parave dhe krimin e organizuar.
Reforma është mbështetur nga forcimi i kapaciteteve institucionale të SPAK-ut, Byrosë Kombëtare të Hetimit (BKH), Prokurorisë së Përgjithshme dhe Policisë së Shtetit, zgjerimi i strukturave të specializuara për hetimet financiare dhe analizën kriminale, përdorimi i sistemeve moderne të informacionit dhe bashkëpunimit ndërkombëtar, si dhe programe të vazhdueshme trajnimi për prokurorët, gjyqtarët dhe hetuesit. Përmirësimi i rezultateve në hetime, konfiskimin e pasurive me origjinë kriminale dhe bashkëpunimin ndërkombëtar forcon sundimin e ligjit dhe rrit efektivitetin e luftës kundër korrupsionit dhe krimit të organizuar në Shqipëri.