Agjencia Shtetërore e Programimit
Strategjik dhe Koordinimit të Ndihmës
Eksploroni strukturën organizative, drejtoritë kryesore dhe misionin e njësive që mundësojnë koordinimin strategjik të asistencës për Shqipërinë.
Një agjenci në shërbim të zhvillimit strategjik
SASPAC koordinon programimin strategjik dhe menaxhimin e asistencës së huaj, duke siguruar që fondet e BE-së përdoren në mënyrë efikase për integrimin evropian.
Skema Organizative
Klikoni mbi çdo njësi për të parë detajet, sektorët, përgjegjësitë dhe biografinë
Drejtori i Përgjithshëm drejton dhe koordinon të gjitha aktivitetet e agjencisë, duke siguruar zbatimin e misionit strategjik dhe raportimin tek autoritetet qeveritare.
Udhëheqja strategjike e agjencisë, koordinimi ndër-drejtorial, përfaqësimi institucional, vendimmarrja për programet e asistencës, raportimi tek Kryeministria.
Eridana Çano është Drejtoreshë e Përgjithshme e Agjencisë Shtetërore për Programimin Strategjik dhe Koordinimin e Ndihmës (SASPAC) që prej gushtit 2024. Në këtë rol, ajo drejton dhe koordinon veprimtarinë e përgjithshme të agjencisë, duke siguruar zbatimin e misionit strategjik institucional dhe përputhshmërinë me prioritetet kombëtare të integrimit evropian.
Znj. Çano sjell mbi 20 vite përvojë profesionale midis sektorit publik dhe organizatave ndërkombëtare. Më parë, ajo drejtoi për 7 vite Agjencinë për Dialog dhe Bashkëqeverisje, dhe ka shërbyer si këshilltare dhe Zv/drejtoreshë në kabinetin e Kryeministrit, ku koordinoi çështjet e integrimit evropian, bashkërendimin e ndihmës së huaj dhe menaxhimin e projekteve me rëndësi të veçantë. Karriera e saj ndërkombëtare përfshin menaxhimin e projekteve për Këshillin e Evropës, UNDP-në dhe Bankën Botërore në fusha si lufta kundër korrupsionit, të drejtat e njeriut dhe mirëqeverisja, në Shqipëri, Kosovë dhe Moldavi.
E diplomuar në Sociologji nga Universiteti i Tiranës. Zotëron gjuhën angleze, italiane, franceze dhe spanjolle.
Strategji
Koordinim
BE
SHIKO DETAJET
▾
Drejtoria përgjegjëse për hartimin e strategjive kombëtare të zhvillimit dhe integrimit, mbështetjen e strategjive sektoriale, si dhe kërkimin e bazuar në të dhëna.
Hartimi i Strategjisë Kombëtare për Zhvillim dhe Integrim (SKZHI), mbështetja e strategjive sektoriale dhe ndërsektoriale, kryerja e kërkimeve analitike dhe studimeve.
Arban Morina është Drejtor i Drejtorisë së Programimit Strategjik pranë SASPAC. Në këtë rol, ai koordinon dhe asiston proceset e hartimit dhe monitorimit të dokumentave strategjike kombëtare dhe sektoriale, si dhe ka një rol mbështetës në takimet e Komitetit të Planifikimit Strategjik të kryesuar nga Kryeministri.
Z. Morina ka rreth një dekadë përvojë në hartimin, koordinimin dhe zbatimin e politikave strategjike dhe ekonomike. Më parë, ai ka mbajtur disa role në Zyrën e Kryeministrit, duke përfshirë pozicionin e Analistit në Njësinë e Jetësimit të Prioriteteve, ku ndihmoi në zbatimin e prioriteteve të investimeve publike dhe të huaja, si dhe koordinoi reformën strukturore në administrimin tatimor, doganor dhe në fushën e antikorrupsionit. Përpara angazhimit në sektorin publik, ai ka punuar në sektorin financiar dhe të auditimit, duke mbajtur pozicione në Intesa Sanpaolo Albania dhe Deloitte Albania.
Master i Shkencave në Ekonomiks nga Universiteti i Tiranës. Trajnime ndërkombëtare në udhëheqësi, planifikim strategjik dhe menaxhim projektesh.
Strategji Sektoriale
Kërkim
Planifikim
SHIKO DETAJET
▾
Koordinon të gjithë ndihmën e huaj bilaterale dhe multilaterale që vjen në Shqipëri, duke përfshirë bashkëpunimin me agjencitë ndërkombëtare dhe bankat zhvillimore.
Bashkërendimi dypalësh me donatorët, koordinimi me agjencitë ndërkombëtare (UN, UNDP, etj.), bashkëpunimi me bankat zhvillimore (Banka Botërore, BERZH, etj.).
Arbër Qystri është Drejtor i Drejtorisë së Bashkërendimit të Ndihmës së Huaj pranë SASPAC prej nëntorit 2023. Në këtë rol, ai kontribuon në koordinimin e përgjithshëm të ndihmës së huaj në Shqipëri për projekte dhe programe zhvillimore, duke siguruar përputhshmërinë me prioritetet kombëtare dhe mbështetjen e reformave në kuadër të procesit të integrimit evropian.
Z. Qystri ka një eksperiencë 12-vjeçare në sektorin publik. Më parë, ai ka qenë i angazhuar në Kryeministri në monitorimin dhe zbatimin e prioriteteve të Qeverisë në fushat e energjisë, bujqësisë dhe digjitalizimit. Ka mbajtur gjithashtu pozicione në Ministrinë e Financave dhe Ekonomisë dhe në Ministrinë e Brendshme, duke u fokusuar në programimin, zbatimin dhe monitorimin e fondeve të Bashkimit Evropian në fushat e mirëqeverisjes dhe shtetit të së drejtës.
Bachelor në Marrëdhënie Ndërkombëtare, Master Profesional në Politikat e Qeverisjes dhe Master Shkencor në Politika dhe Marrëdhënie Ndërkombëtare — Universiteti i Pisës, Itali. Studime postmaster në Gjeopolitikë dhe Siguri — Universiteti “La Sapienza”, Romë. Anglisht dhe italisht (nivel i lartë).
Bilaterale
Multilaterale
Banka Zhvillimore
SHIKO DETAJET
▾
Menaxhon fondet IPA dhe asistencën financiare të Bashkimit Evropian, duke përfshirë programet kombëtare, qendrore dhe rajonale si dhe mbështetjen për KKIPA.
Administrimi i programeve IPA kombëtare, mbështetja për Komitetin Kombëtar IPA (KKIPA), menaxhimi i programeve qendrore dhe rajonale të BE-së.
Sonil Bilaj është Drejtor i Drejtorisë së Administrimit të Asistencës Financiare të Bashkimit Evropian pranë SASPAC. Në këtë rol, ai është përgjegjës për koordinimin strategjik, programimin, zbatimin, monitorimin dhe raportimin e asistencës financiare të BE-së në kuadër të IPA. Ai shërben gjithashtu si Drejtues i Zyrës Mbështetëse të KKIPA dhe koordinon portofolin e projekteve të Shqipërisë në kuadër të Kornizës së Investimeve për Ballkanin Perëndimor (WBIF).
Z. Bilaj ka mbi 13 vite përvojë në administratën publike. Më parë, ai ka ushtruar detyrën e Drejtorit të Drejtorisë së Projekteve në SASPAC, ku ka udhëhequr krijimin e Listës Unike të Projekteve me Rëndësi Kombëtare (NSPP). Ka mbajtur gjithashtu pozicione në Ministrinë e Financave, ku ka qenë i përfshirë në monitorimin e programeve IPA I dhe IPA II, forcimin e sistemeve të menaxhimit dhe kontrollit për fondet e BE-së, si dhe hartimin e politikave fiskale. Eksperienca e tij e hershme në INSTAT përfshin analizën makroekonomike dhe përgatitjen e llogarive kombëtare.
Bachelor dhe Master Shkencor në Ekonomiks — Universiteti i Tiranës. Aktualisht ndjek studimet e doktoraturës mbi Politikën e Kohezionit të BE-së në Shqipëri. Anglisht dhe italisht (nivel i avancuar), spanjisht (njohuri të mira).
KKIPA
Fonde BE
Administrim Financiar
SHIKO DETAJET
▾
Punon për afrimin e Shqipërisë me politikat e kohezionit të BE-së, duke zbatuar bashkëpunimin territorial dhe ndër-rajonal.
Bashkëpunimi territorial (CBC/Interreg), bashkëpunimi ndër-rajonal, përgatitja për politikat e kohezionit të BE-së, koordinimi me rajonet.
Do të plotësohet së shpejti.
CBC
Interreg
Territorial
SHIKO DETAJET
▾
Menaxhon projektet me rëndësi kombëtare, monitoron zbatimin e tyre dhe ofron mbështetje teknike për sigurimin e cilësisë.
Menaxhimi i projekteve kombëtare, monitorimi i zbatimit, mbështetja teknike dhe administrative, raportimi i progresit.
Do të plotësohet së shpejti.
Monitorim
Zbatim
Cilësi
SHIKO DETAJET
▾
Zyra e Koordinimit siguron ndërlidhjen e brendshme mes drejtorrive dhe koordinimin operacional të proceseve.
Koordinimi ndër-drejtorial, menaxhimi i komunikimit të brendshëm, mbështetja e Drejtorit të Përgjithshëm.
Trajnim
Kapacitete
Ekspertizë
SHIKO DETAJET
▾
Menaxhon financat, buxhetin, burimet njerëzore dhe shërbimet administrative mbështetëse të agjencisë.
Menaxhimi financiar dhe buxhetor, burimet njerëzore, prokurimi, logjistika, shërbimet IT dhe administrative.
Do të plotësohet së shpejti.
Buxhet
Burime Njerëzore
Administrim
Proceset kryesore që mbulojmë
Ndërlidhja midis drejtorrive mundëson një qasje të integruar në programimin strategjik.
Klikoni mbi çdo drejtori për të parë detajet e plota, sektorët dhe biografinë e drejtorit përkatës.