Drejtoria përgjegjëse për programet e Bashkimit Evropian në kuadër të SASPAC ka një rol kyç në koordinimin strategjik, programimin, monitorimin dhe mbikëqyrjen e asistencës financiare të BE-së, duke siguruar përputhshmëri me prioritetet kombëtare, kuadrin rregullator evropian dhe objektivat e procesit të integrimit. Përmes një qasjeje të integruar dhe ndërinstitucionale, drejtoria garanton përdorimin efektiv, transparent dhe me ndikim të fondeve IPA dhe instrumenteve të lidhura.
Detyrat kryesore përfshijnë:
-
Koordinimin e procesit të konsultimit dhe programimit të programeve dhe dokumenteve të veprimit IPA, në përputhje me parimin e partneritetit;
-
Koordinimin e përgatitjes, dorëzimit dhe zbatimit të programeve kombëtare dhe shumëvjeçare IPA;
-
Hartimin dhe dorëzimin e Raportit Vjetor të Zbatimit (AIR) pranë Komisionit Evropian;
-
Koordinimin dhe funksionimin e Komiteteve Monitoruese Sektoriale dhe Komitetit Monitorues IPA;
-
Monitorimin e sistemeve të kontrollit të brendshëm dhe performancës së organeve të ndërmjetme;
-
Mbështetjen e KKIPA-së dhe Kryenegociatorit në kuadër të Marrëveshjeve IPA dhe procesit të aderimit në BE;
-
Monitorimin, raportimin dhe vlerësimin e asistencës IPA dhe pjesëmarrjes në Programet Evropiane;
-
Koordinimin me donatorë të tjerë për të shmangur mbivendosjen e investimeve dhe për të rritur komplementaritetin e fondeve;
-
Menaxhimin e plotë të projekteve dhe aplikimeve nën Kornizën e Investimeve për Ballkanin Perëndimor (WBIF), përfshirë bashkëpunimin me IFI-të;
-
Asistimin e institucioneve përfituese në instrumente të tjera të BE-së, si Twinning dhe TAIEX;
-
Përgatitjen e deklaratave vjetore të menaxhimit IPA.
Drejtoria e Administrimit të Asistencës Financiare të BE-së
