Banka Botërore ka qenë një partner kyç për Shqipërinë që prej vitit 1991, duke mbështetur tranzicionin e saj drejt një ekonomie të hapur dhe funksionale. Në vitet e para pas anëtarësimit, fokusi kryesor ishte stabilizimi ekonomik, konsolidimi fiskal dhe reduktimi i varfërisë. Kjo periudhë u shoqërua me reforma të thella strukturore dhe financime koncesionare nga Shoqata Ndërkombëtare e Zhvillimit (IDA), të cilat i mundësuan Shqipërisë të përballonte sfidat e para të tranzicionit.
Në vitin 2008, Shqipëria kaloi nga financimi i IDA-s tek kreditë e Bankës Ndërkombëtare për Rindërtim dhe Zhvillim (IBRD), duke reflektuar statusin e saj si vend me të ardhura mesatare. Gjatë kësaj faze, mbështetja e Bankës Botërore është përqendruar në modernizimin e infrastrukturës, rritjen e cilësisë së shërbimeve sociale, përmirësimin e klimës së biznesit dhe forcimin e qeverisjes. Njëkohësisht, projektet kanë synuar të nxisin zhvillim të qëndrueshëm dhe përfshirës, duke adresuar nevoja emergjente si edhe sfida afatgjata.
Aktualisht, bashkëpunimi me Shqipërinë udhëhiqet nga Korniza e Partneritetit me Vendin (Country Partnership Framework – CPF) 2023–2027, e cila mbështet reformat dhe projektet që forcojnë qëndrueshmërinë ekonomike, përmirësojnë shërbimet publike dhe përshpejtojnë përparimin drejt integrimit europian. Përmes kësaj kornize, Banka Botërore synon të ndihmojë Shqipërinë të avancojë në drejtim të zhvillimit të gjelbër, digjital dhe gjithëpërfshirës, duke mbetur një nga partnerët më strategjikë të vendit në rrugëtimin e tij transformues
Kuadri i Partneriteti me Shqipërinë i Bankës Botërore 2023-2027