Ky dokument paraqet hapat e ndërmarrë nga Shqipëria për forcimin e bashkëpunimit ndërkombëtar në fushën e identifikimit, gjurmimit dhe rikuperimit të pasurive me origjinë kriminale, në kuadër të zbatimit të Agjendës së Reformave. Pas ngritjes së Zyrës së Rikuperimit të Pasurive (Asset Recovery Office – ARO) pranë Policisë së Shtetit, autoritetet shqiptare paraqitën një kërkesë zyrtare pranë Komisionit Evropian për t’u përfshirë në Platformën Evropiane të Zyrave të Rikuperimit të Pasurive, duke synuar zgjerimin e bashkëpunimit me strukturat homologe të Bashkimit Evropian.
Paralelisht, Shqipëria vijon të marrë pjesë aktive në rrjete dhe mekanizma ndërkombëtarë të bashkëpunimit për rikuperimin e aseteve, përfshirë CARIN, projektet e mbështetura nga Europol dhe shkëmbimin operacional të informacionit përmes platformave të specializuara. Këto veprime kontribuojnë në forcimin e kapaciteteve kombëtare për luftën kundër krimit të organizuar, korrupsionit dhe pastrimit të parave, si dhe në përafrimin e mëtejshëm me standardet dhe praktikat e Bashkimit Evropian në fushën e konfiskimit dhe rikuperimit të pasurive.
5.1.1 Submit an application to join the European Network of Asset Recovery Offices – FINAL